एसो छठ में अइब नू......

एक मां का अपने बाहर रह रहे बेटे को फोन कॉल

नमी में त ना अईल काहाला के बाद भी,

असरा तोहार देखत रही दशहरा के बाद भी,

लेकिन अबकी बे बॉस अगर ना दिहे छुट्टी त

कवनो इमोशनल बाहाना बनइब नू??

आ छठ आ गईल बा कि एसो छठ में अइब नू??!!

__________________________________________________

चलल नईखे जात अब, दरद बा गोड़ में,

उठे के मन नईखे करत, खटिया पर से भोर में,

घर के साफ सफाई कसहू कर देनी अकेले बाकी,

छत पर दिवाली के दिया जरइब नू??

आ छठ आ गईल बा कि एसो छठ में अइब नू??!!

__________________________________________________

बाकी लोग दिवाली में, आवे लऊवे घरे,

तीन साल से नईख आवत, बाड़ तू बहरे,

धनतेरस में सोचले बानी लेहब एगो कराही,

गोधन के दिन त अमर पीठ खईब नू??

आ छठ आ गईल बा कि एसो छठ में अइब नू??!!

__________________________________________________

तोहारा बाबूजी से कही कुछ फल त मांगा लेब,

घाट नाहियो रही त कतही चटाई बिछा लेब,

बाकी जाता पिसे के बेरा जब गाइब हमहू गीत त,

आपन नाम सुन-सुन के मस्कुरइब नू??

आ छठ आ गईल बा कि एसो छठ में अइब नू??!!

__________________________________________________

रतिया में गांव घर में के बांटी खरना के खीर,

जानते बाड़ गांवे मंदिर पर केतना होखेला भीड़,

पंडिजी जब देरी करिहे अरघ देवे के बेरा पर त,

तू अपना हाथे हमरा के अरघ दियवईब नू??

आ छठ आ गईल बा कि एसो छठ में अइब नू??!!

__________________________________________________

पतोह त हमार हइले नईखे कि लागी मोरा मन,

तीन दिन बुझ जा बबुआ जे देखहू के ना बा अन्न,

तू रहब त छने सेल्फी लेब आ छने हंसी-मज़ाक करब,

कवनो तरी हमार मन त तू लगइब नू??

आ छठ आ गईल बा कि एसो छठ में अइब नू??!!

__________________________________________________

If the poem touched you, do like, share and comment the best line of this poem.

Also, visit my YouTube Channel and hit on subscribe button, pressing bell icon for every update.

Follow this blog by entering your email id id where asked.

Keep visiting. Thank you!