हम जननी कि गइल अन्हरिया, रात अँजोरिया आइल.

You can check out below audio, if get trouble while reading.
This is an awesome creation.

हम जननी कि गइल अन्हरिया, रात अँजोरिया आइल,

गोरा गईले गइल गुलामी, असल स्वराज भेटाईल,

हम जननी की गइल अन्हरिया, रात अँजोरिया आइल,

गांधी बाबा के जिनगी के गुन, गाँवे गाँवे गवाईल,

प्रजातंत्र के मंत्र फूँक के, मोटका खादर सियाईल,

सब चान्हाक नेता बन गईले, बुड़बक लोग पछुवाईल,

हम जननी........

रूस अमेरिका से कर्ज़ा लेके, कल कारखाना खोनाईल,

मंत्रीजी के साढ़ू-साला, साझेदार राखाईल,

असली माल अब मिलत नईखे, नकली बा महंगाईल,

असली ह कि नकली ई, चिन्हलो से ना चिन्हाईल,

आ हम जननी कि........

आई. ए., बी. ए., एम. ए. कईल, सब बेकार काहाईल-2,

जवना जवना आफिस में गईनी, sorry शब्द सुनाईल-2,

मंत्रीजी के बेटा नाती, उनके काम भेटाईल,

आ हम जननी कि.......

गोरा गईले गइल गुलामी......

rail में देखनी ठेलमठेल-2, कतना पाकिट मराईल-2,

पढ़वईया बिना ticket के चढले, अनपढ़ लोग धराइल,

TTE, guard बेचारा बनके, बोगी में चलस लुकाईल,

Chain-pull के बात जन पूछी, भैकम खूब कटाईल,

हम जननी........

बस में देखनीं कसम-कस-2, बोरा अस गांजाईल,

कुछ लोग बईठस छत के ऊपर, कुछ लोग पीछे टांगाइल,

जे कहलस कि भीड़ भईल बा, उल्टे उहे डाटाईल,

कंडक्टर आ खालासी के देखनीं, कुक्कुर अस बघुवाईल,

हम जननी.......

चोर चलत बा सीना तान के-2, साधु चलस लुकाईल-2,

सतवंती के रोवत देखनीं, बेश्या के मुस्काईल,

इज्जतदार के गुपचुप देखनीं, लंगवन के आफानाईल,

हम जननी........

सटल पैंट आ सटल टी-शर्ट-2, तेरे नाम बार कटाईल,

पढ़े लिखे में जीरो समझब, हीरो चाहस कहाईल,

फैशन में चूर passion लेके, रोड पे चलस अगाराईल,

केहू कहे कि लईका ह, केहू के लईकी बुझाईल,

लईका ह कि लईकी ई, बिजय से भी ना चिन्हाईल,

हम जननी..........

गोरा गईले गइले गुलामी......

हम जननी कि........
_________________________________________________________________________________
I can't ever think this great. Really, this is only my Papa, who can make this happen. I Love You Papa. I really want to be a little bit like you. And that day will be my greatest achievement.

For my social media profiles, click on them respectively:-

Facebook

Twitter

Instagram

Tumblr

Google+

YouTube

WhatsApp